ទិដ្ឋភាពទូទៅ

បញ្ចេញទេពកោសល្យជាអ្នកដឹកនាំឌីជីថលរបស់អ្នក

កម្មវិធីអភិវឌ្ឍនិស្សិតសាកលវិទ្យាល័យមានគោលបំណងបណ្ដុះគុណតម្លៃ ក៏ដូចជាសមត្ថភាពសំខាន់ៗដើម្បីផ្ដល់ដល់យុវជនកម្ពុជានូវជំនាញដែលអ្នកដឹកនាំក្រុមហ៊ុនប្រកបដោយសម្ថតភាពត្រូវការនាពេលអនាគត។

ចាប់ផ្ដើមទទួលពាក្យពីថ្ងៃទី 9 ដល់ថ្ងៃទី 21 ខែវិច្ឆិកា ឆ្នាំ2023

កម្មវិធីអភិវឌ្ឍនិស្សិតសាកលវិទ្យាល័យគឺជាកាសិក្សាដែលមានសកម្មភាព Bootcamp មានរយៈពេល 11 ថ្ងៃ ដែលសកម្មភាពនេះនឹងផ្ដល់អោយអ្នកចូលរួមជាមួយ ទ្រឹស្ដី បទពិសោធន៍ ចំណេះដឹងផ្ទាល់ខ្លួន និងឱកាសអភិវឌ្ឍទំនាក់ទំនង តាមយៈការរៀនជាមួយការអនុវត្តផ្ទាល់។

អ្នកចូលរួមនឹងឆ្លងកាត់ការដោះស្រាយបញ្ហារបស់អាជីវកម្មជាក់ស្ដែង ការធ្វើការជាមួយក្រុម ការបង្វឹក និងករណីសិក្សាដែលបានរៀបចំឡើងនៅក្នុងកម្មវិធីទាំងមូល។

អ្នកចូលរួមក៏អាចមានឱកាសឈ្នះរង្វាន់ជាសាច់ប្រាក់ ការចុះកម្មសិក្សារយៈពេល 2 ខែជាមួយក្រុមហ៊ុន Smart Axiata និងទស្សនកិច្ចសិក្សាក្រៅប្រទេសផងដែរ។

ព័ត៌មាននៃកម្មវិធី

កាលបរិច្ឆេទ៖ ថ្ងៃទី 9 ដល់ថ្ងៃទី 19 ខែ ធ្នូ ឆ្នាំ 2023

ទីតាំង៖ ក្រុងភ្នំពេញ

ចំណាំ៖ កាលបរិច្ឆេទអាចនឹងមានការផ្លាស់ប្ដូរដោយអ្នករៀបចំកម្មវិធី និង តាមគោលការណ៍របស់ក្រសួងផងដែរ។

គោលបំណង

ហេតុផលក្នុងការចូលរួមកម្មវិធីនេះ

បង្កើនលទ្ធភាពក្នុងការទទួលបានការងាររបស់តាមរយៈការកសាងជំនាញសំខាន់ៗដូចជា ជំនាញទំនាក់ទំនង ការគិតវិភាគ និងភាពច្នៃប្រឌិត។
បង្កើនជំនាញជាអ្នកដឹកនាំរបស់អ្នកតាមរយៈសិក្ខាសាលា ការបង្កើតអាជីវកម្មគំរូ ការប្រកួតប្រជែង ក៏ដូចជាវគ្គបង្វឹកផ្ទាល់ខ្លួនផងដែរ។
ក្លាយជាផ្នែកមួយនៃវគ្គចែករំលែកចំណេះដឹងជាមួយអ្នកដឹកនាំអាជីវកម្មដែលមានឥទ្ធិពល។
បង្ហាញគម្រោងអាជីវកម្មរបស់អ្នកទៅកាន់ក្រុមអ្នកដឹកនាំក្រុមហ៊ុនដែលលេចធ្លោ។
បង្កើតទំនាក់ទំនងជាមួយនិស្សិតឆ្នើមផ្សេងៗទៀតនៅក្នុងប្រទេសកម្ពុជា។
បន្ទាប់ពីបញ្ចប់កម្មវិធី អ្នកនឹងក្លាយជាផ្នែកមួយនៃសមាគមអតីតនិស្សិត SmartEdu ប្រកបដោយជំនាញ។
មានឱកាសឈ្នះរង្វាន់ជាសាច់ប្រាក់ ការចុះកម្មសិក្សារយៈពេល 2 ខែជាមួយក្រុមហ៊ុន Smart Axiata និងទស្សនកិច្ចសិក្សាក្រៅប្រទេសផងដែរ។

រចនាសម្ព័ន្ធនៃកម្មវិធី

ដំណើរប្រកបដោយសក្ដានុពលរបស់អ្នក

តម្រូវការ

អ្វីដែលយើងស្វែងរក

អាកប្បកិរិយា
- អ្នកជាអ្នកចាប់ផ្តើមដោយខ្លួនឯងជាមួយនឹងចំណង់ចំណូលចិត្តនិងការជំរុញទឹកចិត្តដែរឬទេ?
- អ្នកចូលចិត្តធ្វើការងារជាក្រុមឬចូលចិត្តធ្វើការតែឯងជាង?
- អ្នកជាមនុស្សដែលមិនងាយចុះចាញ់ដែរឬទេ?
- អ្នកបានពន្លាតខ្លួនអោយហួសពីដែលកំណត់របស់អ្នកហើយឬនៅ?
- អ្នកជំទាស់ទៅនឹងស្ថានភាពបច្ចុប្បន្ននិងប្រកាន់យកការផ្លាស់ប្តូរជាវិជ្ជមានដែរឬទេ?
ការគ្រប់គ្រងខ្លួនឯង
- អ្នកជាមនុស្សដែលធ្វើការសម្រេចចិត្តដោយខ្លួនឯងដែរឬទេ?
- អ្នកអាចរកឃើញនិងយកឈ្នះការប្រកួតប្រជែងក្នុងខ្លួនរបស់អ្នកដែរឬទេ?
- អ្នកចេះបែងចែកពេលវេលាឲ្យមានប្រសិទ្ធភាពរវាងការងារ និងការកំសាន្តដែរឬទេ?
- អ្នកសម្លឹងមើលបទពិសោធន៍ដឹកនាំពីអតីតការថាជាឱកាសដើម្បីរៀនសូត្រនិង អភិវឌ្ឍខ្លួនឯងដែរឬទេ?
- អ្នកតែងតែរិះរកមធ្យោបាយដើម្បីពង្រឹងសកម្មភាពរបស់ខ្លួនឯងដែរឬទេ?
ការយល់ដឹងពីខ្លួនឯង
- អ្នកជាមនុស្សដែលមានគោលដៅរយៈពេលខ្លី និងមធ្យមដែរឬទេ?
- អ្នកកំពុងតែចាប់យកឬព្យាយាមស្វែងរកផ្លូវអាជីពសម្រាប់ខ្លួនឯងដែរឬទេ?
- អ្នកមានគោលដៅដើម្បីក្លាយខ្លួនជាបុគ្គលពូកែបំផុតនៅក្នុងអាជីពរបស់អ្នកដែរឬទេ?
- អ្នកគិតថាខ្លូនមានសម្ថតភាពគ្រប់គ្រាន់ដើម្បីក្លាយជាអ្នកដឹកនាំក្រុមហ៊ុនសាជីវកម្មដែរឬទេ?
ចំណាប់អារម្មណ៍ និងសកម្មភាព
- អ្នកកំពុងតែចាប់យកអ្វីដែលអ្នកស្រលាញ់នៅក្នុងជីវិតរបស់អ្នកមែនឬទេ?
- អ្នកជាមនុស្សដែលជឿលើសារៈសំខាន់នៃការងារសង្គមដែរឬទេ?
- អ្នកខិតខំប្រឹងប្រែងដើម្បីទទួលបានការរៀនសូត្រនិងបទពិសោធន៍បន្ថែមដែរឬទេ?
- អ្នករីករាយជាមួយនឹងភាពខុសគ្នានៃសកម្មភាពបញ្ញាក៏ដូចជាសកម្មភាពកំសាន្តដែរឬទេ?