អ្នកមិនមានសិទ្ធិដាក់ពាក្យសុំអាហារូបករណ៍នេះបានទេ។  

អាហារូបករណ៍នេះត្រូវបានផ្តល់ជូនដល់សិស្សានុសិស្សក្នុងអំឡុងពេលសិក្សានៅសកលវិទ្យាល័យទាំងមូល។ អាហារូបករណ៍អាចមានរយៈពេលពី 4 ឬ 5 ឆ្នាំអាស្រ័យលើមុខជំនាញសិក្សាដែលបេក្ខជនបានជ្រើសរើស។

សម្រាប់ពេលបច្ចុប្បន្ននេះ អាហារូបករណ៍ 20 កន្លែងដែលនឹងត្រូវបានផ្តល់ឲ្យសិក្សានុសិស្សជារៀងរាល់ឆ្នាំ។

ក្នុងរយៈពេល 3 ឆ្នាំបន្ទាប់ពីបញ្ចប់ការសិក្សាថ្នាក់បរិញ្ញាបត្រនិស្សិតនឹងតម្រូវឲ្យបម្រើការឲ្យក្រុមហ៊ុនស្មាតយ៉ាងហោចណាស់មួយឆ្នាំ។ លក្ខខណ្ឌនិងប្រាក់ខែនឹងត្រូវបានព្រមព្រៀងដោយផ្អែកលើសមត្ថភាពរបស់និស្សិតផ្ទាល់។ លើសពីនេះទៀតបេក្ខជនដែលទទួលបានអាហារូបករណ៍នឹងត្រូវបានផ្តល់ឱកាសឲ្យចុះហាត់ការនៅក្រុមហ៊ុនស្មាតក្នុងអំឡុងពេលសិក្សានៅសកលវិទ្យាល័យ។

អាហារូបករណ៍នេះសម្រាប់តែសិស្សដែលបានប្រលងជាប់សញ្ញាបត្រមធ្យមសិក្សាទុតិយភូមិថ្មីៗប៉ុណ្ណោះ មានន័យថា សិស្សដែលប្រលងជាប់សញ្ញាបត្រមធ្យមសិក្សាទុតិយភូមិពីឆ្នាំដទៃទៀតមិនមានសិទ្ធិដាក់ពាក្យសុំអាហារូបករណ៍ឆ្នាំនេះឡើយ។

បេក្ខជនមានសិទ្ធិជ្រើសរើសមុខជំនាញសិក្សាណាមួយដែលពួកគេចង់សិក្សានៅសាកលវិទ្យាល័យរដ្ឋ ណាមួយក៏បានលើកលែងតែសាកលវិទ្យាល័យវិទ្យាសាស្រ្តសុខាភិបាល។ រយៈពេលសរុបនៃការសិក្សាមិនត្រូវលើសពី 5 ឆ្នាំ។

អ្នកអាចដាក់ពាក្យអនឡាញ ដោយ"ចុចទីនេះ" ។.

បេក្ខជនជ័យលាភីនឹងទទួលបានការផ្គត់ផ្គង់ថ្លៃសិក្សាចំនួន 20,000 ដុល្លា រហូតដល់បញ្ចប់ថ្នាក់បរិញ្ញាបត្រ។​ រយៈពេលនៃការផ្គត់ផ្គង់អាស្រ័យទៅលើរយៈពេលនៃមុខជំនាញសិក្សាដែលបេក្ខជនបានជ្រើសរើស។

បេក្ខជនទាំងអស់ត្រូវឆ្លងកាត់ការប្រលង ដោយផ្អែកលើពិន្ទុដែលទទួលបាន ហើយក៏បន្តជាមួយការវិនិច្ឆ័យ និង ចូលរួមសំភាសន៍ផ្ទាល់មាត់ជាមួយគណៈកម្មាធិការចំរុះដែល នឹងសម្រេចចិត្តជ្រើសរើសបេក្ខជនដែលទទួលបានជោគជ័យ។